DIQQAT! DIQQAT!

HURMATLI OTA-ONALAR VA O‘QUVCHILAR!

O‘zbekiston Respublikasi Vazirlar Mahkamasi huzuridagi
Prezident, ijod va ixtisoslashtirilgan maktablarni rivojlantirish agentligi

Abu Ali ibn Sino nomidagi yosh biologlar va kimyogarlar ixtisoslashtirilgan maktab-internati

2021-2022 o‘quv yili uchun 7- va 8-sinflarga
iqtidorli o‘quvchilarni
tanlov asosida qabulini eʼlon qiladi 

 

MAKTAB-INTERNATDAGI TA’LIM – TARBIYA JARAYONI

      1. O‘zbekiston Respublikasida  yagona INNOVATSIONmaktab-internat hisoblanadi.

      2. Maktab-internatda umumiy o‘rta ta‘lim olish va fakultativ mashg‘ulotlar bepul, ta’lim-tarbiya jarayoni o‘zbek va rus tillarida olib boriladi, kelgusida bosqichma-bosqich ingliz tilida amalga oshiriladi.

      3. Har bir sinfda o‘quvchilar soni 20 nafardan komplektatsiya qilinadi.

      4. Toshkent shahridan tashqari Qoraqalpogiston Respublikasi va viloyatlardan o‘qishga qabul qilingan o‘quvchilar yotoqxona bilan ta‘minlanadi.

      5. 5.O‘quvchilar uchun oshxonada 4 mahal issiq ovqatlanish bepul tashkil etiladi.

      6. O‘quv jarayoni haftada 6 kun (dushanba – shanba), soat 08:00 – 17:30 gacha dars mashgulotlari hamda biologiya, kimyo, matematika, ona tili, rus tili, ingliz tili, tarix fanlaridan fakultativ (qo‘shimcha) mashgulotlar tashkil etiladi. Shuningdek, o‘quvchilar mustaqil ilmiy tadqiqot ishlari bilan shugullanadi hamda oliy ta’lim va ilmiy-tadqiqot muassasalarida amaliyot o‘taydilar.

      7. O‘quvchilarga har oyda madaniyat maskanlari (muzey, teatr, kino, ko‘rgazma, muqaddas qadamjolar va boshqa)ga sayohat uyushtirish hamda bitta badiiy kitob o‘qish va sportning bir turi bilan shug‘ullanishlari uchun imkoniyat yaratiladi.

      8. Har chorak yakunida (ta‘til kunlari) ota-onalarga farzandlarini olib ketishlariga ruxsat beriladi.

2021-2022 O‘QUV YILI UCHUN QABUL KVOTASI

    1. 2021-2022 o‘quv yilida 7- va 8- sinflarga (12 ta sinf) jami 240 nafar iqtidorli o‘quvchilar respublikamizning barcha hududlaridan tanlov (test sinovi) asosida qabul qilinadi. Aynan ushbu yilda o‘quvchilar uchun imkoniyat ko‘proq bo‘ladi, keyingi yillardan faqat 7-sinfga qabul qilinadi.

    2. Tanlov savollari murakkablik darajasi davlat ta’lim standartlari doirasida o‘zbek va rus tillarida tayyorlanadi, mahfiyligi ta’minlanadi:

O‘QUVCHILAR HUJJATLARINI TOPSHIRISH TARTIBI

  1. O‘quvchining hujjatlari 2021 yil 1 iyuldan – 20 iyulgacha Agentlikning platformasi ariza.piima.uz orqali onlayn qabul qilinadi.

  2. O‘quvchi tomonidan taqdim etiladigan hujjatlar:

– qabul komissiyasi raisi (maktab-internat direktori) nomiga tegishli tartibda rasmiylashtiriladigan ariza;

– o‘quvchining tug‘ilganlik to‘g‘risida guvohnoma (kinder pasport) nusxasi;

– o‘quvchining oxirgi 2 oy davomida tushgan 3×4 o‘lchamdagi 4 dona rasmi;

– o‘quvchining 2020-2021-o‘quv yili natijasiga ko‘ra baholar tabelining maktab direktori tomonidan tasdiqlangan nusxasi;

– o‘quvchi hamda uning ota-onasi yoki ularning o‘rnini bosuvchi shaxslar fuqarolik pasporti ma’lumotlari (agar qonuniy vakili tomonidan hujjat topshirilsa ularning qonuniy vakili ekanligini tasdiqlovchi notarial hujjat ilova qilinadi), aloqa uchun telefon raqami, elektron pochta manzili platformaga kiritiladi.

Yuqorida qayd etilgan hujjaitlar skaner shaklda 300 dpi, rangli tasvir va fayl hajmi 4 Mb dan ortib ketmasligi kerak)

  1. Hujjatlarni belgilangan muddatlarda, to‘g‘ri va sifatli taqdim etish bo‘yicha mas’uliyat o‘quvchining ota-onasi (qonuniy vakillari) zimmasiga yuklatiladi.

  2. O‘quvchining hujjatlari operatorlar guruhi tomonidan ko‘rib chiqilgandan so‘ng ularga hujjatlar qabul qilinganligi yoki rad etilganligi to‘g‘risida xabar yuboriladi.

  3. Hujjatlar rad etilganda talablarda ko‘rsatilgan kamchiliklarni bartaraf etish uchun xabar yuborilgan vaqtdan boshlab 48 soat ichida to‘g‘rilashga va qayta topshirishga imkon beriladi.

  4. Hujjatlarni qabul qilish muddati tugagandan so‘ng ma’lumotlarni o‘zgartirishga imkon berilmaydi.

  5. O‘quvchilarga kirish imtihonlarida imtiyozlar berilmaydi.

  6. Har kuni (24 soat ichida) qabul qilingan hujjatlar ro’yxati maktab-internatning telegram kanali (ibnsinomaktabuz) da e’lon qilinadi.

  7. Hujjatlarni qabul qilish jarayoni 2021 yil 20 iyul

    kuni soat 24:00 da So‘ng hujjatlar qabul qilinmaydi va ko‘rib chiqilmaydi.

ESLATMA:

Siz hujjatlaringizni onlayn yuborgan bo’lsangiz, ammo e’lon qilingan ro’yxatda farzandingizning ismi sharifi chiqmagan bo’lsa u holda Siz yuborgan hujjatlar kelib tushmagan bo’lib, qaytadan yuborishingiz lozim bo’ladi.

Shuningdek, yuborilgan xujjatlar belgilangan talablar asosida sifatli va to’liq bo’lmasa ham xujjatlar qabul qilingan hisoblanmaydi.

Hujjatlari qabul qilinmagan o’quvchilar tanlovga kiritilmaydi.

ILTIMOS! hujjatlarni to’liq va sifatli jamlab yuboring.

 

TANLOVNI O‘TKAZISH TARTIBI

 

  1. Tanlov 2021 yil 1-20 avgust kunlari oralig’ida o‘kazilishi belgilangan. Tanlovning aniq vaqti va joyi tanlov boshlanishidan 5 kun oldin maktab-internatning rasmiy veb-sayti www.ibnsino-maktab.uz, telegram kanali ibnsinomaktabuz orqali e’lon qilinadi.

  2. Tanlov hujjat topshirgan o’quvchilar sonidan kelib chiqqan holda bir necha bosqichda o‘tkazilishi mumkin.

  3. Tanlovga o‘quvchilar ro‘yxat (sinflar kesimida) va imtihon ruxsatnomasi asosida kiritiladi.

  4. Test sinovlari belgilangan 90 daqiqa ichida komp’yuterda topshiriladi. Har bir o‘quvchining test sinovi yakunida test savollaridan to‘plagan umumiy ballari va javoblari o‘quvchining istagiga qarab printerdan chiqarib beriladi va e’lonlar taxtasida qayd etib boriladi. Barcha ma’lumotlar bazada saqlanadi.

  5. Tanlov 100 ballik tizimda baholanadi.

  6. Test sinovlarida 70 ball va undan yuqori ball to‘plagan o‘quvchilar ballar reytingi bo‘yicha ketma-ketlikda belgilangan kvota doirasida qabul komissiyasi qarori bilan maktab-internatga qabul qilinadi.

  7. O‘quvchilarning to‘plagan ballari teng kelib qolgan hollarda, qabul komissiyasi tomonidan berilgan qo‘shimcha savollar natijasi asosida o‘quvchilar safiga qabul qilinadi.

  8. Tanlov jarayoni video-kuzatuv va boshqa elektron-texnik vositalar bilan jihozlangan xonalarda tashkil etiladi. Shaffoflikni ta’minlash maqsadida Ishchi guruhi va ota-onalar vakillaridan iborat kuzatuvchilar tomonidan nazorat o‘rnatiladi.

  9. Tanlovning yakuniy natijalari bo‘yicha maktab-internat direktorining buqrug’i bilan o‘quvchilar safiga qabul qilinganlar ro‘yxati 5 kun muddatda maktab-internatning rasmiy sayti www.ibnsino-maktab.uz, telegram kanali ibnsinomaktabuz yoki telegram manzili (+998974906688) orqali e‘lon qilinadi.

Manzil: Toshkent shahar, Olmazor tumani, Mirzo Golib ko‘chasi 1 – uy.

Qo‘shimcha ma’lumot:  (90) 907-09-70, (90) 943-70-02


Ariza namunasini yuklash


Onlayn ariza yuborish