2021-yil 15-dekabr kuni Abu Ali ibn Sino nomidagi ixtisoslashtirilgan maktabi o‘quvchilari bilan Ichki ishlar vazirligi faxriysi, general-mayor Telman Saloxiddinovich Murodxodjaev, Ichki ishlar vazirligi Akademiyasi kursandlari va Ichki ishlar vazirligi huzuridagi “JIED” tezkor harakatlanuvchi otryadi xizmatchilari ishtirokida “OSOYISHTALIK ORTIDAGI TIKANLI YO‘L!” mavzusida ikki bosqichda ma’naviy-ma’rifiy tadbir tashkil etildi.

Tadbirning birinchi bosqichida maktabning katta konferens zalida IIV faxriysi, general-mayor Telman Saloxiddinovich Murodxodjaev va Ichki ishlar vazirligi Akademiyasi kursandlari bilan davra suxbati o‘tkazildi.

Unda, general-mayor T.S.Murodxodjaevning hayoti va faoliyatiga bag‘ishlangan videorolik namoyish etildi. So‘ng, general-mayor tomonidan yurtimizda amalga oshirilayotgan islohotlar, xususan, ta’lim-tarbiya jarayoniga oid qabul qilingan qonun va qonunosti hujjatlarining mazmun-mohiyati hamda “Uchunchi renessans”da yoshlarning, ayniqsa maktab o‘quvchilarining oldida turgan dolzarb vazifalar keng yoritib berildi.

Shuningdek, Ichki ishlar vazirligi Akademiyasi kursandlari ham o‘zlarining o‘qish jarayonlari hamda yaratilgan imkoniyatlar va erishilgan davtlabki natijalari haqida o‘quvchilar bilan o‘rtoqlashdilar.

Tadbirning ikkinchi bosqichida maktabning sport zalida Ichki ishlar vazirligi huzuridagi “JIED” tezkor harakatlanuvchi otryadi xizmatchilari tomonidan zamonaviy zirxli harbiy avtomashina va amaldagi qurol-yaroqlar ko‘rgazmasi tashkil etildi va o‘quvchilar yaqindan tanishtirildi.

Tadbir ochiq muloqot va samimiy ruhda tashkil etilib, o‘quvchilarda katta taassurot qoldirdi.